Antecedentes

Através|Editora nasce como umha evoluçom da antiga área editorial da AGAL que desde princípios da década de 80 editou um amplo catálogo, com muitos autores publicados nos mais de 30 anos da Associaçom: desde clássicos como Carvalho Calero, Jenaro Marinhas, Guerra da Cal ou Manuel María até autores mais contemporáneos como Raquel Miragaia, Artur Alonso Novelhe ou Carlos Quiroga.

Em 2009 após umhas novas eleições na Associaçom elegeu-se um novo Conselho que no seu programa incluiu, entre outros temas, o objetivo de criar umha marca própria da AGAL como editora. É assim como nasce Através Editora, como a tentativa de tornar a área editorial da AGAL numha editora de ámbito galego-português. 

A nossa filosofia

O próprio nome da nova editora indica umha vontade de ultrapassar a fronteira política, e muitas vezes mental, que separa a Galiza do resto da Lusofonia. Para nós a aproximaçom da Galiza e os países de expressom portuguesa é a demonstraçom da via reintegracionista como válida para marcar um padrom galego atual e útil que permita aprofundar num verdadeiro processo de normalizaçom lingüística.

O nosso objetivo editorial centra-se na potencialidade da filosofia reintegracionista como saída viável para a recuperaçom e normalizaçom da língua galega na Galiza. Partindo desta focagem Através|Editora publica em galego internacional para os mercados de Portugal e Galiza, e se existir a possibilidade para o Brasil e os PALOP’s.

Projetos que se apoiam

As nossas autoras e autores tenhem a possibilidade de doar todos ou parte dos seus lucros para as entidades que melhor considerarem. Eis as entidades que recebêrom ou vam receber este apoio monetário:

Semente. Escola de ensino galego

Escola de Educación nos Tempos Libres Altair Galiza

As. Cultural Vagalumes, da Estrada