Joám Lopes Facal

Apenas um resultado

(1940)
Nasceu na aldeia de Toba, em frente do Monte Pindo e ao pé da Ria de Corcubiom. É membro activo de umha família de nove irmaos, pai de três filhos e avó de dous netos. A mulher da sua vida chama-se Ana e nasceu em Ponte Vedra.
Cursou os estudos de Engenharia na Escola Técnica Superior de Engenheiros Industriais de Madrid e os de Economia nas Faculdades de Santiago e Madrid, Somosaguas. Doutorou-se em Ciências Económicas com umha investigaçom sobre a casa de banca compostelana de Olimpio Pérez. Possui o título de Português pola EOI de Compostela. Desempenhou a sua actividade profissional em diversas empresas de Madrid e de Galiza. Foi também professor associado da USC.
A sua militáncia política foi intensa mas breve, limitada a Esquerda Galega desde o nascimento do partido até a sua extinçom. Foi deputado por este partido na III legislatura do Parlamento de Galiza.
A música, a leitura e os labores da terra som ingredientes fundamentais da vida de retirado activo que gosta de levar. Colabora em forma circunstancial na imprensa digital galega com querença pola defesa da construçom nacional, o activismo cívico e cultural e o reintegracionismo linguístico. Todo isso temperado com a memória vivida e lida, que é património dos anos.