Xoán González-Millán: a projeção de um pensamento crítico

As páginas que seguem reúnem contributos de especialistas dos estudos galegos que dialogam criticamente com o legado teórico de González-Millán com o fim de abrir novas leituras e vias de interpretação — também para identificar lacunas e inconsistências, algumas fruto da atualização histórica que permitem as décadas percorridas desde o fatídico 2002. Juntam-se neste volume académicas/os que tiveram contacto direto e colaboraram com González-Millán e estudiosas/os que se aproximaram da sua obra de forma ativa. Tudo isto configura um volume que acreditamos de interesse fulcral para os estudos galegos atuais, embora não se esgotem nos escritos aqui contidos as reflexões e possibilidades hermenéuticas que a diversa (e lúcida) produção do autor de Ogrove permite enxergar.

Pouco mais de vinte anos depois da sua morte, a sua obra abre-se neste livro a um renovado diálogo crítico com especialistas atuais do campo académico galego.

“Um livro pensado a partir da consciência das posiçons ocupadas polas pessoas presentes –e até ausentes– nele, a começar polo próprio González-Millán” – Lucia Cernadas, Novas da Galiza.

“González-Millán aplicou á literatura propostas arredor da hexemonía que, tempo despois, poría en circulación a chamada Nova Política” – David Rodríguez, Nòs Diario.

“Unha intención de nobreza colectiva: (…) preparar as condicións para recuperar unha conversa suspendida, manter unha negociación inacabada ou, en varias ocasións, facer un exercicio que pretende completar os ocos que deixa o seu legado” – Rodrigo Herrera Alfaya, Abriu.

“Boa mostra da indiscutible importancia que González-Millán tivo e ten nos estudos literarios galegos” – Ramón Nicolás, Caderno da crítica.